Skráði mig í óvissuferð, hjálp!!!

"Should I stay or should I go now"

Það ætti að banna fólk sem þarf alltaf að tala saman þegar það fer í bíó. Í bíó á maður að njóta myndarinnar þegjandi. Það er nægur tími til að tala saman þegar maður er ekki í bíó!!! Ef það er fólki ofviða, þá ætti það bara að bíða eftir myndum á spólu. Hildur has spoken, good night.

Og ekki má gleyma Ellu, hún á afmæli í dag!!!

Svo syngjum við:
Hún á afmæli í dag, hún á afmæli í dag
hún á afmæli hún EllaaaAAAA
hún á afmæli í daaaag!!!"

Húrra Húrra HÚRRAAAA!!!

Vá er að læra að gera kannanir og svoleiðis, næst kemur kannski könnun made by me, -eða ekki...

hahaha nú er ekki hægt að hægri smella á síðunni minni, isn´t life great :-)


Og Benni, VAKNA!!!

Hvert fór shoutoutið mitt?

Síðastliðinn laugardag tók ég mig til og bakaði köku. Það væri svosem ekki í frásögur færandi nema fyrir það að baksturinn mistókst herfilega.

Þetta byrjaði allt með sakleysislegri hugdettu: 'ohh, ég er svo svöng!!! Það er ekkert til að borða... afhverju baka ég ekki svona eins og eina marmaraköku?'.
Jú jú þetta var náttúrulega góð hugmynd svo ég óð inní skáp, fann uppskriftabókina mína og marmaraköku uppskriftina, recrute-aði systur mína sem aðstoðarmann, sendi mömmu út í búð að kaupa hveiti og egg og hófst svo handa við baksturinn.

15 mínútum síðar var degið tilbúið, ofninn á fullu blasti og tónlistin líka. Þá var ekkert eftir nema smyrja eins og eitt stykki kökuform, eða það hélt ég. Mér til töluverðar skelfingar uppgötvaði nefninlega skyndilega hina raunverulegu ástæðu þess að ég hætti að baka marmarakökur. Við eigum ekkert kökuform sem passar.
Hvað var nú til ráða? Ekki var ég tilbúin til að henda deiginu, og kakan hefði brunnið til ösku ef ég hefði reynta að klína henni í alltof stórt form (það eina sem var til). Að sjálfsögðu dó ég ekki ráðalaus frekar en fyrri daginn, 'ég stækka bara uppskriftina!'. Og það gerði ég, in fact þá þrefaldaði ég hana, eða öllu heldur bakaði tvöfalda í viðbót. Nokkru síðar var deig númer tvö tilbúið, töluvert blautara en deig númer 1, en það skipti ekki máli.
Jæja, öllu heila klabbinu var svo skipt í þrjá hluta, bætt kakói í einn þeirra og svo sett lagskipt í kökuformið (sem að sjálfsögðu var vel smurt, maður klikkar nefninlega ekki á því oftar en einu sinni).

Það var samt ekki fyrr en ég var að setja þriðja og síðasta lagið í formið sem hinn skelfilegi sannleikur rann upp fyrir mér. Það var alltof mikið deig!!!. Deigið slétt fyllti formið, and that is not a Good Thing þar sem uppskriftin inniheldur m.a. töluvert af lyftidufti...
Þegar hér var komið í sögu var ég orðin töluvert pirruð á þessu veseni, svo ég henti bara afganginum af deiginu í ruslið, skellti þessu inn í ofn, stillti ofnklukku og ákvað að spá ekki meira í þessu næsta klukkutímann eða svo (sem er einmitt sá tími sem kakan á að vera í ofninum).
Klukkutíma síðar hringir ofnklukkan, Eva er komin í heimsókn til að bragða á kökunni (og náttúrulega til að hitta mig :-) híhí). Ég kíki inn í ofn, kakan er búin að lyfta sér töluvert hátt uppúr mótinu, ég prufa að stinga í hana með prjóni en hún er ekki tilbúin.
Nokkru síðar opna ég ofninn aftur til að tjékka á kökunni, en á móti mér kemur brunastækja. Kakan er búin að lyfta sér alla leið upp í topp ofnsins og er orðinn alveg skaðbrennd efst, en ennþá óbökuð inní. Ég færi kökuna neðst í ofninn (en hún var neðarlega to begin with) og bíð áfram.
Nú líður og bíður og loksins er kakan tilbúin, ég tek hana út úr ofninum og hvolfi henni á disk. Nema hvað, kakan var bara hreinlega ekki tilbúin, því að þegar ég hvolfi kökunni dettur skaðbrenndi parturinn bara af, og undan honum rennur, án þess að ég fái neitt við ráðið, heill hellingur af kökudeigsleðju útum allt!!!
Þetta var viðbjóðslegt!! Kakan gjörónýt og fljótandi deig útum allt í eldhúsinu, brunafnykinn lagði um alla íbúð og ég var ennþá alveg glorhungruð!!!

Endaði á því að fara á subway með Evu og kakan lenti í ruslinu. Tók samt myndir af henni (kökunni sko, ekki Evu), hver veit nema ég skelli þeim hingað inn við tækifæri???

Kennari að útskýra fyrir nemendum

nemandi: "Ahaaa, ég skil"
kennari: "ok, bíddu bíddu, ekki misskilja OF mikið"

Ég er alveg orðin rugluð í þessu html dóti, taldi mig vera orðna slarkfæra í þetta, I was mistaken...

stig fyrir þann sem er fyrstur að fatta allt það sem hefur breyst (á þessari síðu bara)!

og orðið er já

ekki láta það trufla ykkur að Benni sé að heimta skoðanir, hann var að laga fyrir mig, nú þarf ég bara að laga til eftir hann (sem gerist næst þegar ég fer í verkfræðitölvuver) :-)

Loggaði mig inná MSN áðan. 17 nýjir tölvupóstar. SAUTJÁN. Síðan klukkan 3 í GÆR! Og þetta var allt (nema 1) SPAM frá "vinum" mínum (and I use the term lightly...) . Næsti maður sem sendir mér leiðinlegan ruslpóst á ekki von á góðu!!!

Ekki misskilja mig, það má alveg senda mér brandara og sniðugt stöff eða bara pælingar um hvað það er leiðinlegt í tölvunarfræðitímanum sem fólk er í. En ef þetta er eitthvað fjölda framleitt "sendu þetta til milljón manns or else" þá skaltu bara gleyma því!

Ekki það að ég sé neitt reið eða OFURpirruð, en kommon sautján stykki is just to much!!!

Próftaflan mín
08.71.46-020 Rökfræði og hugbúnaðargerð 25 29. apr. 09:00-12:00
08.71.41-020 Þróun hugbúnaðar 82 07. maí. 09:00-12:00
08.71.25-020 Viðmótsforritun 66 09. maí. 09:00-12:00
09.10.21-010 Stærðfræðigreining IIB 207 10. maí. 09:00-12:00
08.71.45-020 Stýrikerfi 64 12. maí. 09:00-12:00

Bakaði fjórfalda uppskrift af vatnsdeigsbollum í gær. Komst að því í dag að bróðir minn verður ekkert heima svo hann á ekki eftir að borða þær, og systir mín segist ekki borða svona bollur. Eitthvað segir mér að ég eigi eftir að borða viðbjóðslega mikið af bollum :c(

érkominheimafárshátíð!!!

érafarárshátíð!!!

Ég hef komist að svolitlu merkilegu um sjálfa mig. Ég á bágt með að höndla að aðrir heiti sama nafni og ég. Samt er nafnið mitt ekki það sjaldgæft, það þekkja nú allir að minnsta kosti eina Hildi. Tvö nýleg dæmi þar sem ég var ekki að fatta að ekki væri verið að tala um mig:

Fyrra dæmi: Á heimasíðunni hans Benna
Já ég hitti hann eftir vísindaferð, já ég skemmti mér konunglega, ha? verkleg eðlisfræði, hvað er baukurinn að bulla??? Tók mig um korter að fatta að hann var að tala um hildue sem er btw með mér í jazzi og ég hitti hana líka þarna...

Seinna dæmi: Var í jazzi
Kennarinn var að taka fram hvernig ætti að bera sig að í dansinum og tók fram hverjir voru að gera þetta rétt. Svo að auðvitað þegar hún sagði Hildur þó ljómaði ég alveg af stolti og fór pínu hjá mér. Það var svo ekki fyrr en leið á upptalninguna sem hún bætti við "og Hildur Jóna". Ég varð alveg hvumsa, var hún ekki að tala um mig áðan. Hvað er að ske... daramm, hin Hildurin var náttúrulega hildure

Afmælisbarn dagsins er engin önnur en Anna Guðlaug syngjum svo saman

"Hún á afmæli í dag, hún á afmæli í dag
hún á afmæli hún Anna Guðlaug
hún á afmæli í dag"

Húrra Húrra HÚRRAAAA!!!

til hamingju með tuttuguogeinsið!

Önnur af uppáhalds útvarpsstöðvunum mínum er dáin. Þessi sorglegi atburður gerist rétt fyrir helgi, þó svo að aðdragandinn hafi verið lengri. Afhverju gerist þetta alltaf??? Ég fíla einhverja útvarpsstöð og BÚMM einhver markaðsmógúlll segir "seljum hana" eða "sameinum hana við aðra stöð og hættum að spila tónlistarstefnurnar sem hún var vinsæl fyrir".
Ég skil þetta ekki :c(
*grát*

-Update-
ok, plís sign here ________

Vil bara taka það fram að ég er ljúfmenni hið mesta og læt hluti sem litlu máli skipta aldrei fara í taugarnar á mér.

Gærkvöldið var ekki alveg jafn vel heppnað og ég hafði planað... -hvernig geta 5 bjórar lagst svona illa í mig???

P.S verðlaun fyrir 3000??

Varðandi bíó"verkfall":

1. Afhverju í ósköpunum ætti ég að láta einhverja bangsa út í bæ segja mér hvenær ég má fara í bíó og hvenær ekki?!?! Ræð ég mér ekki sjálf?? Auðvitað fer ég í bíó þegar mér sýnist.

2. Hverskonar "verkfall" er þetta, það er enginn að liggja niður störf! Ef ég hætti að mæta í skólann er það þá "skólaverkfall", eða er það bara skólaverkfall ef mér tekst að fá vini mína til að gera það líka??? Hver er meiningin með þessu???

3. Hvenær hækkaði verðið svona rosalega, mig minnir að það hafi verið 800 kall frekar lengi, afhverju aðgerðir núna???

4. Hvað eruð þið sem eruð svona hlynnt þessu "verkfalli" eruð raunverulega að reyna?? Er málið að koma illa við bíófyrirtæki rekstrarlega séð? Eða er ætlunin að vekja athygli fjölmiðla og almennings með hnitmiðuðum aðgerðum??? Ef það fyrra er raunin þá held ég að þau muni alveg spjara sig á þessum tveimur vikum, engar stórar myndir frumsýndar á þessu tímabili, og ef svo væri að einhver stórmynd hefði verið frumsýnd þá myndi fólk ekki láta eitthvað lummu"verkfall" stöðva sig í að sjá hana.
Ef planið er að vekja athygli með hnitmiðuðum aðgerðum, þá þurfa aðgerðirnar einmitt að vera HNITMIÐAÐAR. Að senda út fullt af tölvupósti og segja fólki að fara ekki í bíó í tvær (eða voru það þrjár??) vikur er ekki hnitmiðuð aðgerð!!! Þá hefði frekar verið gáfulegt að leggja til að fólk sniðgengi bíóin í einn eða tvo daga, eitthvað sem fólk er til í að gera, og auglýsa það vel. Jafnvel stilla sér upp fyrir framan bíóin og ræða við fólk sem er á leið í bíó um hvort það vilji ekki leggja málstaðnum lið og gera eitthvað annað eina kvöldstund eða tvær.

Ég fór í bíó í gær, fékk ekki séð að það væru færri þar en venjulega klukkan 10 á fimmtudagskvöldi. Fór líka í bíó í fyrradag og aftur fékk ég ekki séð að fólk væri að sniðganga bíóin. Fór líka í bíó síðasta laugardag, and once again ekkert færri þar en venjulega!!!

Bottom line: ég fer í bíó þegar mig langar til. Þó að maður ákveði að gera ekki eitthvað sem maður gerir stundum þá er það ekki endilega verkfall. Til að aðgerðir sem þessar virki, þá þurfa þær að vera hnitmiðaðar og hitta í mark, þetta bíóverkfall gerir það ekki.

Generalprufan var æði. ÆÐI!!! Ég ætla pottþétt að sjá þessa sýningu aftur, hún er frábær!!! Hver vill koma með mér???

Ég er að fara í bíó í kvöld, jibbí jei!! Ég fór líka í bíó í gær, það var ágætt, myndi samt ekki borga mig inná þá mynd (Just Married). Samt hún átti góða spretti.
Talandi um spretti, erum loksins búin að skila af okkur stýrikerfisverkefninu, það virkar næstum því. Er samt bara fegin að það er búið!!
Annars hef ég ekki tíma til að segja neitt af viti því ég er að fara á generalprufuna hjá íslenska dansflokknum núna!!!!

Get ekki annað en tekið undir með Benna, ég er búin að fá gjörsamlega nóg af þessu stýrikerfisverkefni. Langar samt til að þakka fyrir hlý orð í minn garð, Benni þú ert ágætur líka!!!

Tilkynning!!! Tilkynning!!!

Hér með tilkynnist að Hildur (það er ég) Haffi og Áshildur urðum í öðru sæti hvað bestu mynd varðar í ljósmyndamaraþoninu sem haldið var fyrir nokkru síðan. Í verðlaun fengum við bókina "Women of Our Time", glæsileg bók. Til hamingju við!!! Við eru ...ehh næst? ... BEST!!!

Sjokk dagsins
Var að fara fram úr morgunn, steig á hundinn...

Byrjaði daginn á að fara ekki að læra, fór frekar að horfa á Svanavatnið. Var svo skoppandi svo um allt, veifandi höndum raulandi Tchaikovski (hvernig svo sem það er skrifað)fram að hádegi.
Eftir því sem leið á daginn (og ég fór að sökkva dýpra í hið hyldjúpa fen heimalærdóms) breyttist tónlistar valið og á endanum var ég gólandi með Andrew WK og fleirum. Jei fyrir því!!! eða ekki?

Eins mig grunaði þá virkaði ekki að reyna að hittast svona snemma...

Helgin búin að vera ein stór steik só far... er einhver með plön fyrir morgundaginn? Samt búið að vera skemmtilegt, mjög skemmtilegt.

Morgundagurinn stefnir í leiðinda lærdóm, hvað var ég að spá að fá Birnu til að samþykkja að hittast klukkan 9:30 í fyrramálið? Hvernig datt mér það í hug? Og hversvegna fór ég út í kvöld og hvað er ég að gera á netinu klukkan 5 að nóttu til???

Held ég sé orðin alltof steikt til að skrifa eitthvað að viti, gat ekki einu sinni sett símann minn í hleðslu (jújú ég setti hleðslutækið í samband, skellti símanum í docking station-ið, en gleymdi að tengja docking station-ið og hleðslutækið saman -döhh)

Góða nótt, og ekki gleyma að syngja í sturtu...

Í dag er merkisdagur, í dag er 14. febrúar.

Við vitum náttúrulega öll hvað það þýðir!

Blika á afmæli

Hún á afmæli í dag, hún á afmæli í dag
hún á afmæli hún Blika. Hún á afmæli í dag

Til hamingju með þriggja ára afmælið
þrefalt voff fyrir því

VOFF! VOFF!! VOFF!!!

Bara verð að deila þessu með einhverjum.
Íslendingabókar lykilorðið mitt var að koma og svo virðist sem formóðir okkar Evu Hrundar hafi eignast tvo syni eingetna... og sömu sögu er að segja um forfaðir okkar Önnu, en hann virðist hafa fætt son og dóttur alveg aleinn í heiminn... Og enn og aftur þá hefur Ragnheiður Tómasdóttur einnig eignast tvö eingetin börn Jóhönnu Gottfreðlínu og Óla Viborg (hvurslags nöfn eru þetta???).
Það sem kemur samt kannski hvað mest á óvart er að langamma og langafi hennar Rúnu eru foreldrar langömmu minnar (ha, svo þú ert líka af Ófeigsfjarðarætt huh?!!) eða m.ö.o. afi Rúnu er bróðir langömmu minnar...

Þá liggur þetta allt ljóst fyrir, ég er augljóslega af guðlegum ættum (alveg eingetnir forfeður hægri vinstri) og þið ættuð öll að hefjast handa við að tilbiðja mig... NÚNA!!!

múwahahahaHAHAHAHAHAHAHA ég og litli fuglinn höfðum rétt fyrir okkur HAHAHAHAHAHAHAHAHA

Hey! Á ég að segja þér góðar fréttir! Í morgun fékk ég loksins formlegt leyfi hjá bróður mínum fyrir að keyra á bílinn hans. Mig hefur dauðlangað til þess núna frá því fyrir jól! Kannski ég láti það eftir mér á morgun!!! JEI!!!

Lítill fugl hvíslaði því að mér að hugsanlega myndi eitthvað fara að gerast á þessari síðu á næstu klukkustundum... ég get varla beðið hopp og hí og tralalala!!!

Annars bara pæling, hvað er málið með að hafa ónýtar mýs í tölvuverum, þá meina ég ónýtar eins og í aðaltakkinn virkar ekki? Þetta er alltaf að koma fyrir mig, ég sest í sakleysi mínu niður til að gera vinna eitthvað á tölvurnar og svo er bara allt í fokki og lítið hægt að gera... grátlegt :-(

Með betri myndum sem til eru af okkur...

Vaknaði hálf veik. Fór í skólann. Lærði smá um swapping. Leið verulega illa. Fór heim. Lagði mig. Líður betur. Veikindi sökka.

Ég þoli ekki fólk sem þarf að taka tvö stæði þegar það bakkar í stæði!!! Ég meina andskotinn hafi það, það er ekki svo flókið að bakka í stæði, og ef þú höndlar það ekki slepptu því að vera að bakka!!!
*pirrr*

Watashi no kuruma no kagi ist kaput!!! Yes you heard right!!! Helvítis bíllykillinn minn brotnaði, hver ber ábyrgð á þessu?!?! Nú það er vitað mál, auðvitað hann Jón lille bro...frumphfff...

Ég er ekki kát

PS Eyrún, afhverju vil ég endilega troða einhverju "de" inn í þessa setningu?
Og get ég virkilega sagt blabla no blublu no bleble???

Snati??? Detti mér allar!!!

Dúm dí dúm
Ég fór á hönnunarkeppnina í dag,
(syngist við lagið "Ein sit ég og sauma")

Þð var allt í lagi
en ekkert voða gaman.
Ég sá ekki upphaf brautar,
því sjónvarpskallinn var fyrir.
Hoppaðu upp og lokaðu augunum,
bentu í austur, bentu í vestur,
bentu á þann sem að þér þykir bestur

Auglýsi eftir vinum til að horfa með mér á "The Sound of Music" eða "Mary Poppins" eða "Cats" annað kvöld. Áhugasamir hafið samband!!!

Ég þoli ekki þegar fólk er dónalegt, yfirlætisfullt og frekt við mig. Hvað er málið, myndi smá kurteisi drepa það???
----
Vegna gífurlegra viðbragða (2) og krafna um að ég skýri betur mál mitt (1) þá hef ég ákveðið að endurskrifa þennan póst.

Ég þoli ekki fólk sem ræðst á mann með frekju dónaskap og yfirlæti þegar maður vanþekkingar sinnar vegna brýtur einhverja ósagða og óskrifaða reglu. Sérstaklega ef sama fólk byrjar að hóta manni með því að það muni hefna sín á einhverjum öðrum hópum samfélagsins.

Það væri bara eins og ef mamma þín myndi hóta því að taka vasapeningana af bróður þínum af því þú vaknaðir ekki klukkan 9 á sunnudegi. Þó að hún hafi ekki á nokkurn hátt gefið til kynna að hún vildi eða að þú þyrftir að vakna klukkan 9. Ég meina, það er bara bull!!!

Anyway, ekki koma nálægt Endurmenntunarstofnun eftir klukkan 22:00

Er algjör bilun að horfa á SuperBowl aftur??? Var nefninlega að fá spólur frá Ameríkunni með ekta útsendingunni, þannig að nú get ég séð leikinn án þess að pirra mig á gelgjuhúmor íslensku lýsendanna OG ég fæ á sjá auglýsingarnar OG Pregame dæmið OG Postgame showið OG BARA ALLT!!!

minns er strax farin að hlakka til....

helgin er liðin, búin, farin...

hahaha

Horfði smá á handboltan um helgina (enda varla hjá því komist), það var ágætt. Bróðir minn vakti samt athygli mína á nokkuð merkilegri handbolta-fjölskyldu, ég hef hreinlega ekki tekið eftir þessu áður, en allir markmenn keppninnar virðast vera skyldir: Guðmundur Ver, Eradze Ver, Smjack Ver, Hombrados Ver svona gæti ég haldið lengi áfram, -allir með sama eftirnafn. Merkilegt nokk

Haffi er risinn upp frá dauðum, skemmtilegri en nokkru sinni fyrr... tékkið á þessu

AAAAARRRRGGGG!!!!

Note to self: Aldrei að setja tuttugu eða fleiri geisladiska í tíudiska geisladiskahulstur. Þessir á endunum brotna.

*sniff* grát *snökt*

Buuuhhhhuuuuu....!!!!

Svoldið merkilegt gerðist áðan, ég signaði mig inn á username-inu og passwordinu hans Benna, nema hvað ég fór samt inn á mitt blogg??? How is that possible???
Mér náttúrulega stóð ekki á sama svo ég prófaði aftur, og viti menn ég var aftur komin inn í mitt blogg!

Skrýtið hvað allar tölvur virðast verða fubar around me....

*fubar er í boði Magnúsar Kára -> Fucked Up Beyond All Repair

Já, Benni, er án efa einhver alsnjallasti, -myndarlegasti og -fyndnasti náungi sem ég, Hildur Jóna, hef á ævi minni kynnst.

Langar að bjóða Evu Hrund hjartanlega velkomna í bloggheima :-)
Góða skemmtun!

Bara ef einhver skildi ekki vita það þá er Benni bestur :-)

Síðustu dagar hafa verið góðir, dró bróður minn útúr bláfjöllum í niðamyrkri og snjóhríð á fimmtudaginn, kláraði þróun hugbúnaðarverkefnið ásamt Hirti og Ingvari í gær, fór í keilu með Evu og Haffa og Þórunni og Eyrúnu í gærkvöldi (myndir). Er núna heima að læra því ég þarf að skila Scheme verkefni fyrir fjögur í dag, búa til skel í stýrikerfum fyrir mánudag og klára rökfræðiverkefni fyrir mánudag líka, á meðan er fjölskyldan mín að leika sér á vélsleða... MIG LANGAR MEÐ *búhúhúhú*.
Hefndi mín að þeim með því að kaupa fullt fullt af nammi... veit samt ekki alveg hversu árangursrík hefnd það er...

Komst að muninum milli lífs og dauða í forritunarmálum í dag, munurinn er sá sami og á milli n og n^2...

Uppúr hádeginu á morgun (föstudag) verður sett upp ljósmyndasýning í Odda. Sýningin er afrakstur ljósmyndamaraþonsins sem var í boði Mágusar og verkfræðinnar á Lista og Menningardögunum.
Þar sem ég á eitthvað í kringum 10 verk á þessari sýningu þá er skyldu mæting fyrir alla sem þekkja mig!!!

Ég, Haffi og Áshildur tókum okkur semsagt til og tókum tíu undurfagrar myndir, eina af hverju eftirfarandi þema:

1. Þögn
2. List
3. Græðgi
4. Ólíkar hliðar háskólans
5. Þversögn
6. Svart-hvítt
7. Háskólabolurinn
8. Kennsla
9. Viska
10. Frelsi og fullveldi

Eins og sjá má af þessum lista þá var þetta ekki auðvelt verkefni, mig langar samt til að þakka öllum þeim sem komu að þessu verki með okkur (þarf sko að æfa mig fyrir verðlaunaafhendinguna...), ber þá helst að nefna samstarfsfólk mitt, þau Hafstein Þór og Áshildi. Þórunn og pabbi fá einnig sérstakar þakkir fyrir ómetanlega aðstoð við alla hugmyndavinnu.
Fyrirsætan Blika á einnig heiður skilinn fyrir einstaka áhugasemi við vinnslu verksins "Kennsla", sem og Vegamálastjóri og Gatnagerð Reykjavíkur fyrir verkið "Viska", án ykkar hefðu þessar hugmyndir aldrei orðið að veruleika. Fleira var það nú held ég ekki...
Takk takk...

hahaha mynd af mér og Tótuling hjá Katrínu.is, myndin er merkt hinar stelpurnar í tölvunarfræði og stelpa í tölvunarfræði... I´m moving up in the world ...híhíhí...

Held það hafi eitthvað farið framhjá fólki að ég er búin að skipta um könnun, já þetta er næstum því eins, en EKKI ALVEG eins ;-)

Ég sá Rómeó og Júlíu í Borgarleikhúsinu í gær, það var rosalega gaman. Hvet alla til að kíkja á það

*tónar*I feel pretty oh so pretty, so pretty so witty so wise.... *tónar*

Þessi könnun mín er ekki að virka, það er allt jafnt!!!

Dömur mínar og herrar, mig langar að segja nokkur orð:
Fyrst til allra þeirra sem áttu þátt í því að gera gærkvöldið/nóttina jafn skemmtilega og eftirminnilega og það/hún var. Kærar þakkir og þetta á sérstaklega við um þig Þórunn :-)
Til allra þeirra sem ég hitti í kvöld (nema þessara leiðinlegu sem voru ekkert skemmtilegir og gerðu ekkert annað en að reyna að sníkja bjór) takk kærlega!
Lögreglan í Reykjavík fær einstakar þakkir fyrir að setja upp 4 lögreglubíla vegatálma við Grensásveg í kvöld. Það er eins gott fyrir ykkur, löggimann minn góður, að þið hafið verið að eltast við hættulegan glæpamann, því annað eins og að stoppa fólk af handahófi (eða eftir andfýlu) minnir óneytanlega töluvert á misbeytingu valds. Er bara allt í lagi að lögreglan megi haga sér eins og henni sýnist? Þurfa ekki einhverjar reglur að gilda um hvar og hvenær lögreglan má stöðva menn. Á svona lagað bara að vera háð geðþótta ákvörðun fúllynds varðstjóra sem er illa við fólk á silfurgráum bílum, -ég bara spyr?!?!
Eyrún fær sérstakar þakkir fyrir að fara ekki beint heim (og þar af leiðandi fyrir að hafa ennþá verið í bænum þegar ég hringdi í hana), Eyrún mín, við verðum að endurtaka skápinn einhverntíman... "total eclypse of my heart...".
Þórunn og Finnur fá viðleitni verðlaunin fyrir að hafa gert heiðarlega tilraun til að TROÐA sér með okkur inn í skápinn. Og svo síðast en ekki síst Olga og Gústi fyrir að hafa a) kennt mér að blóta á þýsku og b) haldið partý!!!
I love you all!!!
Við gerum okkar gerum okkar gerum okkar gerum okkar besta, en aðeins betur það er það sem þarf...

Sumir dagar eru ekki góðir dagar...
Ætlaði á fætur í morgunn, en veggurinn við rúmið mitt þvældist eitthvað fyrir mér, búin að vera drepast úr hausverk í allan morgun. Líður aðeins betur núna. Mamma og pabbi skemmtu sér stórvel yfir óförum mínum, þau hlógu eins og vitleysingar í korter. Gott að vita að maður færi gleði og hamingju inn í líf einhvers...

Er búin að finna út hvenær tölvan mín frýs, þegar ég reyni að opna shout outið, lendir einhver annar í þessu? Það kemur sem sagt eitthvað um að forritið hafi framkvæmt ólöglega aðgerð og ef ég ýti á eitthvað annað en debug þá frýs hún. Þegar ég ýti á debug þá fæ ég upp alveg böns og böns af SMALAMÁLSKÓÐA!!!! HELVÍTIS DJÖFULSINS, ég hélt ég væri laus við þann ANDSKOTA!?!?


0108021E add byte ptr [eax],al
01080220 dec edi
01080221 or al,byte ptr [eax]
01080223 add al,0
01080225 add byte ptr [edi+2Dh],cl
01080228 pop ebx
01080229 add edx,dword ptr [ebx]
0108022B push ds
0108022C cmp byte ptr [eax],al
0108022E add byte ptr [eax],al
01080230 or cl,byte ptr [esp+eax]
01080233 add byte ptr [eax],al
01080235 or ah,byte ptr [eax+4F000004h]
0108023B sbb al,24h
0108023D add eax,0A4F0000h
01080242 cmp al,5
01080244 add byte ptr [eax],al
01080246 dec edi
01080247 sbb al,4Ch
01080249 add byte ptr [eax],al
0108024B add byte ptr [edi+0Ah],cl
0108024E push esp
0108024F add eax,1C4F0000h
01080254 ins byte ptr [edi],dx

o.s.frv.
...

Arrrggg!!! Ég byrjaði að taka til inni hjá mér og það gekk ágætlega, en núna nenni ég því ekki lengur... samt byrjaði ég á að tæma skápinn minn af drasli svo núna er allt í drasli í herberginu mínu þó skápurinn sé voðalega fínn...
þoli ekki svona

Vandamál 1: Ég kann ekki að forrita nógu vel í java
Vandamál 2: Ég get ekki gert arabesk hringi á hægri
Vandamál 3: Skrifborðsstóllinn sem ég fékk um jólin rispar gólfið hjá mér
Vandamál 4: Tölvan mín frýs alltaf þegar ég reyni að opna heimasíðuna mína
Vandamál 5: Tölvan mín frýs þegar ég reyni að restarta henni

Slæmur dagur
Dagurinn í dag er slæmur dagur.
Það er ekki nóg með að ég hafi verið í meira en hálfa klukkustund að komast í helvítis skólann, þegar ég kom í skólann eru náttúrulega engin stæði svo ég hringsóla á stæðinu eins og asni með Þórunni "growing steadily more pirred" í sætinu við hliðina á mér.
Á endanum gefst ég upp, legg útá götu og gef skít í þetta.
Þegar inn er komið blasir við fullur salur af fólki, einu mögulegu sætin eru einhversstaðar inn við miðju raðanna, þannig að maður þarf að ryðjast eins og fíll í flugvél og stíga á milljón tær, detta um þúsund skólatöskur og almennt fara í taugarnar á öllum til að komast þangað.
Ég gafst upp, henti inn handklæðinu og játaði mig sigraða.
Það var buguð mannvera sem staulaðist yfir í tæknigarð til að vara aðra við því ófremdarástandi sem ríkir við Háskóla Íslands.

Það er ljóst, þið getið ekki fengið nóg af mér og mínu bloggi! VICTORY is at hand!!!

Nei nei svona í alvöru talað þá eru góðu fréttirnar að þið viljið að ég pósti oftar og meira (samasem ég er skemmtileg), en slæmu fréttirnar eru aðallega hvað síðan þjáist af miklum skorti á rollum.
Til stendur að ráða bót á því í nánustu framtíð, hér mun rollan ráða ríkjum!!!

Eva kom í bíó, hún er skemmtileg. Þið hin hafið verið downgrade-uð niðrí kunningja.... nei segi bara svona...

Annars kom svoldið skringilegt fyrir mig í dag. Ég var á leiðinni í tíma þegar ég mæti stelpu sem ég þekki. Vandamálið er bara að ég þekki hana ekkert vel, allavega get ég ómögulega munað hvað hún heitir og/eða hvaðan ég þekki hana...
Þetta er semsagt frekar vandræðalegt, því við köstum kveðju á hvor aðra þegar við mætumst, en í staðin fyrir að halda áfram í sitthvora áttina þá stoppar hún og virðist vilja spjalla aðeins við mig.

Samtalið fer hér á eftir:

Hún: "Hæ, hvað segirðu?"
Ég: "Bara allt fínt, en þú?"
Hún: "Já bara allt gott líka"

...hérna ákveð ég að nota The quick escape route og segi...

"Heyrðu ég verð að drífa mig, ég er að verða of sein í tíma"
Hún (frekar hissa) "Ha? Náðirðu inn? Til hamingju!"

...nú er ég farin að sjá að þetta samtal er ekki alveg að þróast eins og ég átti von á, svo ég segi varfærnislega:

"Ég er ekki í ..uhh... læknisfræði..."

Hún: "Ohh, hvað ertu þá að gera"
Ég: "Ég er í verkfræði"
Hún (með undrun og aðdáun í rómnum) : "Vá, þú skiptir bara alveg yfir í eitthvað allt annað!?!"
Ég: "...ehhh... heyrðu ég verð að þjóta, við sjáumst"
Hún: "Gangi þér vel"
Ég: "Sömuleiðis!"

Það versta er bara að ég man að ég hef alltaf kunnað virkilega vel við þessa stelpu, ég bara get ekki munað hvaðan!!!

Skyldi bloggið mitt óvart eftir opið, pabbi sá það, that yogurt has come back to hunt me...

Þriðji skóladagurinn búinn, þetta verður fínt, minns er allavega ennþá ofaná hlutunum (eins og þeir segja svo skemmtilega í Ammríkunni)

Ef einhverja langar að hitta mig og Ellu þá verðum við í kringlubíó kl. 8 í kvöld á Treasure planet! Allir skemmtilegir velkomnir!

Var að horfa á tvo leiki í playoffsinu í NFL, báðir réðust á síðust 5 sekúndunum, -talandi um dramatík WOW!!! Þetta var æði!!!
Bömmerinn er samt að í báðum leikjunum töpuðu liðin sem ég hélt með eftir að hafa verið yfir allan leikinn...

Hlakka svo til um næstu helgi þá verða fleiri leikir VEI!!!

Plan kvöldsins var að kíkja til Gústa og drekka bjór. Fór svoldið úrskeiðis. Enginn til að skutla mér, sem þýddi að ég fór á bíl...and we all know what that means...
Á leiðinni út hrundi ég niður stigann, ég var ekki einu sinni að labba niður eða neitt, ég bara stóð kjurr í einni tröppunni og svo skyndilega stóð ég ekki lengur. Voðalega furðulegt. Anyway: ég hélt á poka með tveimur bjórum í þegar ég datt, fór svo með pokann og úlpuna mína útí bíl og skyldi þau þar eftir á meðan við skruppum aðeins niðrí bæ. Þegar ég kom heim (núna) fatta ég að annar bjórinn hafði sprungið og lekið útum allt. Góð lyktin í bílnum...eða þannig!

Eini ljósi punkturinn sem ég sé er að bjór er ekki jafn slæmur og olía, -Eva Hrund "I feel so sorry for you"!!!!

Reyndi eitthvað að setja inn drögin að stundatöflunni minni inn, en það fokkaðist eitthvað upp, -áhugasamir klikkið hér

Jæja, þá eru áramótin fyrri og hin síðari liðin, fjölskyldan virðist stefna í að gera tvöföld áramót að hefð, -ekkert nema gott um það að segja.

Á nýju ári er ég búin að gera, tja, nokkuð margt skemmtilegt;
ég sá "Two Towers" (núna rétt áðan),

ég fór í fyrsta skipti á ævinni í kapp um hver gæti rennt sér lengra á maganum út á hálffrosið Skorradalsvatn áður en ísinn brysti (það varð jafntefli = ég vann (vil bara ekki svekkja aðra keppendur)),

ég hef kastað mér yfir grindverk þegar ég sá að tívolíbomba myndi springa á jöriðinni í 1,5 metra fjarlægð (einhverjir voru ekki alveg með rétta stærð af hólkum, -ábyggilega ekki neinn sem ég þekki...neeeeei...),

ég hef unnið öll spil sem ég hef tekið þátt í (nema eitt Sequence og ég vann hin 4 -so that doesn´t count),

ég fékk einkunnir í tveimur fögum ég náði eðlisfræðinni með 6 og fékk 9 í stærðfræðimynstrum (til hamingju ég!!!)

og sitthvað fleira.


Þetta ár leggst bara vel í mig, júhú!!!

P.S. gleymdi þessu:
drakk krapabjór -svoldið eins og slush úr ísbúðunum en með bjórbragði (einhver gleymdi bjórnum mínum úti)
ætlaði að hrækja á jörðina en hitti ekki (*it´s so embarrassing*)

Smá breik frá því að troða sig út af mat, bara varð að skreppa á netið og óska ykkur öllum gleðilegs nýs árs. Hafið það gott og passið ykkur á prikunum í kvöld!!!

(þessi skilaboð voru ætluð öllum nema þeim illmennum sem plötuðu mig í ljós í gær, -ÉG BRENN !!! )

....

ok, það er ekki mið nótt og ég var ekki að djammma.... ég bara verð samt að spyrja...

Have you ever had sex with a yogurt???

Svoldið seint... GLEÐILEG JÓL

Og til hamingju með afmælið Benni!!!

Þetta er búin að vera skemmtileg Þorláksmessa eða hitt þó heldur, byrjaði daginn í 4 bíla árekstri. Svo tók við nokkurra klukkutíma slysó ferð.
Fór svo heim að reyna að gera brjóstsykur, -það mistókst. Ætlaði svo með BF og Tönju í Kringluna, en hætti við á síðustu stundu. Í Kringlunni bakkaði jeppi inní hliðana á litlu tíkinni hennar Tönju...

Það var djammað í gær, ójá!!! Komst aldrei til Evu Aspar, -sorrý about that Eva. Fór ekki niðrí bæ fyrr en klukkan var að verða 3 held ég, sungum "Kætumst meðan kostur er/ knárra sveina flo o o kur...." aftur og aftur og aftur niður allan Laugarvegin, öðrum vegfarendum til ómældrar ánægju...

Eini gallinn var að það virtust flestir (a.m.k. þeir sem voru ekki í sama partýi og ég) vera að fara heim þegar við loksins komum niðrí bæ...

Vona að allir hafi skemmt sér hálft eins vel og ég, -þá mega menn telja kvöldið vel heppnað ;-)

Sjáumst við ekki á djamminu einhverntíman í jólafríinu???

Nýstúdentar, Anna Guðlaug og Eva Ösp til hamingju með áfangann!!!

Ég er búin í prófum :-) Gæti lífið verið betra? Mér gekk svo ótrúlega vel, ég gæti sungið og dansað... ehh... var reyndar að syngja og dansa áðan...

Anyway, I´m so happy!!! tralalala!!!!

Ég er að fara í síðasta prófið á morgunn, tralalala (eða strangt til tekið í dag).

Ég var niðrí skóla að læra með Birnu, svo fórum við á Devitos og keyptum pizzu namm *slurp*.
Þegar við komum til baka niðrí skóla og erum sestar inní stofu þá fatta ég að ég hef gleymt skólatöskunni minni út í bíl. Ég nenni samt ekkert að vera að sækja hana, var með allt dótið sem ég þurfti í stofunni.

Þannig að það er ekki fyrr en ég er búin að skutla Birnu heim (um eittleytið) sem ég fatta að taskan er ekki í bílnum!!! Ég fer í panik, hvar hef ég getað týnt henni??? Dottið úr bílnum á Devítos? Gleymdi ég að læsa bílnum og notaði einhver tækifærið til að taka hana? Námu geimverur hana á brott?

Á endanum dettur mér í hug að ég gæti hafa gleymt henni í sjoppunni í VR (þar sem við borðuðum pizzuna), get samt ekkert tékkað á því, því skólinn er löngu búinn að loka (við þurftum að læsa á eftir okkur). Sá samt Helga Gunnar þar áður en ég fór heim, hringja í hann, -er ekki með númerið. Keyri heim, ræsi tölvuna, fletti honum upp í símaskránni, hringi, hann er farinn úr skólanum, en jú hann kannast við að hafa séð töskuna...

Taskan er því fundin, ég þarf bara að ná í hana sem fyrst í fyrramálið, allir geisladiskarnir mínir, ISIC kortið mitt og ofurgrafíski vasareiknirinn minn eru nefninleg í henni...úps...

Áshildur á afmæli í dag!!! Til hamingju með daginn Áshildur :-)

Fór bara að spá.
Er það nokkuð merki um geðveiki ef maður uppgvötar um klukkan hálf tólf að kvöldi til að maður gleymdi að fara í annan sokkinn í morgun???

Var sko bara að fatta það...

Er smá að fikta í síðunni þannig að ef hún er öll í fokki þegar þú kíkir á hana þá er það sennilega mér að kenna...

er ég með eitthvað sturlaðan húmor??? Ég sá þetta og gat ekki hamið mig, ég hló og hló og hló svo skoðaði ég aðeins meira og rakst á þetta þá fyrst fór ég að óttast um geðheilsu mína...

Annars eru fleiri búnir í prófum frá því seinast, Þórunn kláraði í gær og Rúna í dag, -til hamingju!!!

Hamingju óskir dagsins fær hún Áshildur. Hún kláraði síðasta prófið í morgun, þar með líkur þessari verstu önn sem um getur í sögunni, -hahaha.

Vona að ég sjái þig oftar en einu sinni í mánuðu eftir jól :-)

Var í prófi áðan.

Próftími: 3 klst.
Fjöldi sem þreyttu prófið: 66
Lengd prófs: 31 blaðsíða

does that strike anyone as odd??? ÞRJÁTÍU OG EIN BLAÐSÍÐA. Ein spurning á hverri, alltaf a.m.k. 2 liðir. Þetta var mesti vibbi sem ég hef lent í. Það var samtals 1 sem fór út áður en prófið var búið (ég hef lúmskan grun um hver það er, -strákurinn veit ALLT) og hann fór hálftíma fyrr út.


Ég hata próf!

Skúbb dagsins:

Þetta er kannski common knowledge, en ég var að frétta af því að Mountain dew ætti að koma á markaðinn á föstudaginn, eða var það í gær? Það eru nokkrir dagar síðan ég heyrði af þessu sko... -ekki alveg með dagsetninguna á tæru *vandræðalegt bros* hehehh...

Fyrir þá sem ekki vita það þá er Mountain Dew besti gosdrykkurinn í Ameríku (finnst mér) ég lifi alltaf á þessu þegar ég fer út. Veit samt ekki alveg hvort þetta verði gott á bragðið í kuldanum hérna. Maður er náttúrulega svo góðu vanur, úti er vatnið vont OG maður þarf að borga fyrir það, kókið er vont, djúsið er vont, pepsíið allt í læ, en allt annað yfirleitt frekar slæmt (a.m.k. finnst mér það). Svo við sjáum til, þið fáið að heyra hvað mér finnst um leið og ég kem höndum yfir flösku/dós.

Annað sem er svoldið gamalt líka (frétti það í vísó í nóv.) að það er að koma [er kominn?? -frekar langt síðan sumir fóru í Ríkið...] á markaðinn jólamaltbjór, sem sagt áfengt malt frá Egils... -er ekki bara málið að skella því útí appelsínið og hressa aðeins upp á jólin???

Ok, ákvað að taka þessa könnun niður fyrst ég er byrjuð að fikta í þessu dóti...

Niðurstaðan er sláandi!!!
Af þeim 17 manns sem kusu, voru aðeins 6 (eða 35%) sem kusu rétt! "nei, þú ert betri"
hinir 11 (65%) kusu vitlaust eða " já þú ert góð"

Niðurstaða, 65 % lesenda er vitlaus... (jæks, -þori ég að birta þetta?)

hahaha

Uuhhh eitthvað hefur fólk verið að skjóta á mig (ég nefni engin nöfn, -ok ég nefndi nöfn en tók þau út) vegna þess að viðkomandi finnst ég ekki vera nógu öflug á blogginu.
Og þar sem ég er svona óörugg með sjálfa mig týpa, þá finn ég hjá mér alveg gífurlega þörf til að afsaka og réttlæta mig. Staðreynd málsins er sú að ég er í prófum!!!
Mér finnst það ekki gaman, en það er staðreynd. Og þar sem próf koma bara tvisvar á ári (sem er a.m.k. einu sinni of oft) þá er eins gott að standa sig!

Sem sagt, ég er lögst í próflestur, -þið heyrið örugglega í mér eftir 20. des

Þangað til, ekki láta jólastressið fara með ykkur *<(:-)
(ef einhver er ekki að skilja þennan broskall þá er hann með jólasveinahúfu...)

Það er orðið svoldið langt síðan ég hef deilt með ykkur slysasögu, svo hérna kemur ein gömul. MJÖG GÖMUL, svo gömul að ég man ekki eftir henni sjálf, þó svo ég hafi heyrt af henni oft og sjái afleiðingarnar í hvert skipti sem ég lít í spegil...

Fyrir tuttugu árum, 6 mánuðum og nokkrum dögum síðan lennti ég í allra fyrsta slysinu mínu. Reyndar var þetta ekki raunverulegt slys, heldur meira svona slas...

Enginn meiddi sig, -nema ég
ekkert skemmdist, -nema ég
enginn átti þátt í því, -nema ég
=> slas

þetta var bara venjulegur dagur, ég var nýfædd og leið bara ágætlega á fæðingardeild Landsspítalans þegar allt í einu ,,,,skrrrraaattzzz... tekst mér, ósjálfbjarga kornabarninu ekki að klóra mig til blóðs í andlitinu? Ég þurfti að vera með vettlinga fyrstu daga ævinnar svo ég ylli mér ekki frekara tjóni...

Ég heyri alveg í pabba í huganum, þar sem hann stendur við glerið stoltur faðir að sýna vinum og ættingju frumburðinn:

"Já, þetta er hún, þessi með vettlingana... henni tókst eitthvað að klóra sig í framan... ehhehe.... *hóst*... "

Ég er ennþá með örið... -heldurðu að það fari nokkuð úr þessu???

Þórunn, ég kann ekki á leitarvélar. Ætlaði að vera geðveikt sniðug og fara á leit.is og finna nokkrar gamlar skýrslur eins og þú sagðir mér. Vandamálið er bara að það eina sem kemur upp af viti þegar ég leita eru Benni og Kiddi!!! Einu skýrslurnar sem ég vissi um fyrir... -svindl :c(

Þórunn á afmæli í dag! Til hamingju með afmælið Þórunn!!!

Þórunn er samt ekki ein um að eiga afmæli, Hlín á líka afmæli. Til hamingju Hlín!!!

"Þær eiga afmæli í dag
þær eiga afmæli í dag
þær eiga afmæli þær ÞórunnogHlín...
þær eiga afmæli í dag

Þær eru tvítugar í dag
þær eru tvítugar í dag
þær eru tvítugar þær ÞórunnogHlín
þær eru tvítugar í dag"

húrra! Húrra!! HÚRRA!!!

Hversu lengi er hægt að flýja eina ritgerð???
Ég er búin að vera á stöðugum flótta frá því um kvöldmatarleytið, ekki enn búin að skrifa staf...

Samt búin að skoða allar skemmtilegar og semi skemmtilegar heimasíður sem ég mundi eftir. Horfði líka á Judging Amy og það sem slær botninn úr, ég horfði á Innlit/Útlit....

Ég fór á James Bond um daginn, fannst hún svosem alltílæ...
Það er bara eitt sem böggar mig dálítið við hana. Hvað er málið með að myndin sé "að miklu leiti tekin upp á Íslandi" -er þetta ekki bara bull?? Ég meina ok, Ísland er nefnt töluvert oft á nafn, en ég fékk ekki séð að mikið af myndunum væri héðan. Það væri þá helst atriðið með hemlunarfallhlífinni og vélarhlífinni á Jökulsárlóni og það var búið að fiffa það ekkert smá.
Svo er líka annað, afhverju finnst okkur svona merkilegt að "Ísland" sé í James Bond. Að þetta sé svo góð landkynning út á við?? Hverjum er ekki sama??? Hugsar þú eitthvað jákvæðar til Kúbu eftir að hafa séð myndina, -nei ég hélt ekki

Og eitt enn, hvern andskotan er Kársneskirkja að gera þarna???

Arrrggg!! Þetta er svo aulalegt að ég skammast mín *roðn*...

ehh... fara í "View" og velja "Status bar" og þá kemur hann....

Hjálp!!!

Kann einhver að setja statusbarinn aftur á? Hann er horfinn hjá mér og ég er að fara á taugum!!!
Fyrir þá sem ekki vita er statusbarinn neðst á explorer-gluggunum og þar sér maður m.a. hvort síðan sem maður er að opna sé búin, hvað er mikið eftir, hvert linkurinn sem maður er að fara smella á vísar og fleira...

I desperatly need it back!!!

Bara verð að deila þessu með einhverjum...

Litla systir mín var á leiklistaræfingu áðan (hún er í leiklist í Árbæjarskóla). Áður en þau byrjuðu að æfa leikritið sjálft þá tóku þau smá upphitun. Hver og einn fékk eina mynd af einhverjum einstaklingi og átti að leika viðkomandi útfrá myndinni. Flestir voru nokkuð vel þekktir, eins og Ingibjörg Sólrún og Davíð Oddson, en á myndinni sem systir mín dró var (og þetta er punchline-ið) ....BRÓÐIR OKKAR. Þetta var víst ekkert smá fyndið, vinkonur hennar þekktu strax myndina og orguð af hlátri. Svo var víst einhver annar sem dró mynd af kærustunni hans!!!
Hvílík snilld, eða eins og bróðir minn orðaði það "...bara þotuliðið á Íslandi..."