B??i a? pr?fa ?etta d?mi og svo finnst m?r ?etta fyndin mynd... Eyr?n a? hlera s?mtali? hennar ??runnar... svona er ?etta ? Japan, hlerarar ? hverju str?i :o)

Ahh..., síðasta mynd var komin svo neðarlega að ég neyddist til að bæta úr því með annarri mynd. Þetta eru semsagt Þórunn og Eyrún að fíla pappaspjald af Samúræja í tætlur ;-)

Annars var ég að skoða seinni helminginn af Japan myndunum mínum, gæti verið að eitthvað af þeim rati hingað inn næstu daga

Setning gærdagsins:
Einhver gaur sem blandar sér inní samtal milli mín og þriggja krullhærðra vinkvenna á Hressó í gær "Ef ég ætti kærustu sem væri með svona krullur þá væri ég pottþétt að fara að sofa hjá henni, NEI DJÓK"

Hljómaði eins og hann myndi ekki sofa hjá kærustunni þótt hann fengi borgað fyrir það. Kærastunni sem by the way hélt í hendina á honum (og var með snarslétt hár) var ekki skemmt!

Setning föstudagsins:
Gaur gengur upp að stelpu á kvennaklósettinu á Þjóðleikhúskjallaranum og segir "Heyrðu, við vorum í drykkjukeppni áðan og Bjarni vann, ert þú verðlaunin hans?"

Skrifað um daginn:

Hin aldeilis óviðjafnanlega ég tók minniháttar feilspor í vinnunni í dag... þetta litla spor olli því að innihald kaffibollans míns hoppaði úr bollanum og um hálfan meter í loft upp og svoldið til hliðar, áður en þyngarlögmálið vissi hvaðan á sig stóð veðrið. Þyngdarlögmálið var þó ekki lengi að átta sig og grípa þessa bollafylli eða svo af vökva og grýta því í gólfið, með slettum uppum veggina og á glervegginn inn til framkvæmdastjórans... mín er búin að vera í skúringum síðan...

Hef verið að erveifast eins og aðrir... tók mjög skemmtilegan rúnt í gær, Cynic Guru á NASA, byrjunin á MR. Zilla, færðum okkur yfir á Gaukinn og hlustuðum á Búdrýgjindi og Dimmu áður en við gerðum tilraun til að fara á GrandRokk. Röðin náði útá götu þegar við komum og þegar hún færðist nánast ekkert þegar hljómsveitin sem var að spila hætti þá ákváðum við bara að gefa Benna hemm hemm uppá bátinn, það reyndist afbragðs hugmynd því að við löbbuðum beint inná NASA, 10 mínútum síðar var aftur á móti röð niðrá Laugaveg... enda Hermigervill alveg að gera það gott. Mín var samt orðin svo þreytt þarna undir lokin að ég ákvað að vera ekkert að bíða eftir Annie og fara bara heim að lúlla. Gott kvöld, ekki spurning, mjög gott kvöld.

Mig langar svo mikið að fara í ferðalag! Bara verst að útilegu tímabilið er búið, er ekki einhver þarna úti sem vill bjóða mér í sumarbústaðaferð?

Híhí, talandi um sumarbústaði (og þar með oftast heita potta)... var að rifja það upp í dag að mér hefur nokkrum sinnum verið boðið í pottapartý, en það hefur eiginlega aldrei heppnast...

Eitt skiptið reyndist ekki vera búið að setja upp pottinn (mjög skemmtilegt partý samt í penthouse íbúð í kópavogi, hef aldrei bragðað jafn sérstakan "mat", mæli með því).
Í annað skiptið reyndist heiti potturinn vera baðkar (og þó það væri í yfirstærð þá á það ekkert í baðkarið heima hjá mér!).
Í þriðja skiptið var potturinn bilaður, en það gerði ekkert til, við skelltum okkur bara í sundlaugina í staðinn :)

híhíhí... mín í stuði í kveðjupartýi hjá Bryndísi (nota bene, þessi mynd er uppstillt ;-) og stolið frá Eyrúnu

Ahh ætli maður verði ekki að vera öflugri við að tjá sig hérna. Sérstaklega þar sem Júlli er búinn að bæta mér í linkana sína (held það sé bara því ég sagði að Kári væri fallegasta smábarn sem ég þekki, - maður kann lagið á þessu barnafólki).

Annars var ykkar einlæg svo óhemju dugleg á miðvikudaginn að mæta á ballet, fótbolta og bandýæfingu eftir vinnu, samtals 3,5 tíma af sprikli... er að vísu svo óhemju léleg í fótbolt (mun betri bæði í ballet og bandý) að ég tók þá einföldu pælingu að reyna að verða á vegi boltans þegar boltinn var á leiðinni í markið mín megin, en vera ekkert að trana mér fram annars.
Held það hafi verið alveg ágætis plott, er allavega með marblettina sem sanna að mér tókst það þó nokkuð oft :)

Klúður dagsins: gleymdi að fara í sokkum í vinnuna, sit hérna á tásunum í skónum og er ekki alveg að meika þetta