Umferðin hérna í bænum er stórhættuleg.

Þannig var að eitthvert ónefnt fífl hér í bæ stoppaði bílinn sinn á rauðu ljósi við gatnamótin Miklabraut-Grensás þegar klukkan var nokkrar mínútur gengin í 10 í gærkvöldi.

Það væri náttúrulega ekkert í frásögur færandi nema fyrir þá staðreynd að helvítis dóninn misles eitthvað litinn á rauða ljósinu og skyndilega og gjörsamlega uppúr þurru tætir hann spólandi af stað yfir gatnamótin. Á gjörsamlega HÁRAUÐU. Nærstaddir máttu hreinlega vara sig.

Þetta tiltekna fífl virtist samt eitthvað átta sig á að það sé að gera einhverja steypu þegar það er komið hálfa leið yfir gatnamótin, því þar hægir það alltíeinu á sér. Bjáninn virðist samt fatta að það sé allt ALLT of seint að snúa við og ákveður að drulla sér alla leið yfir.

Hann lendir á rauð á næstu gatnamótum.
Í þetta skipti megið þið trúa því að ég leit 4 sinnum á ljósið þegar græna ljósið kom OG beið eftir að hinn bíllinn færi yfir áður en ég hætti mér yfir í annað sinn... enda engin ástæða til að gera sömu mistök tvisvar...