Ok, nú er mesta kæruleysiskasti annarinnar offically lokið! Nú er það bara harkan 6, ekkert múður, einn tveir einn tveir...

Verð samt að deila smá með ykkur...
Fyrst samt smá forsaga: á hádeginu í dag átti ég að skila ritgerð. Ég var, ótrúlegt en satt, ekki búin að skrifa hana í morgun og það sem verra er ekki í hádeginu heldur Forsagan búin

Einhverntíman eftir hádegi ákveð ég að fara útí VR og kaupa mér eitthvað að borða. Rökkvi var á leiðinni yfir svo við förum samferða. Skyndilega flýgur mér samt í hug að fá hann til að kenna mér að gera hringspark. Hann tekur náttúrulega vel í það, svo við förum að æfa okkur í hringspörkum niðrí kjallara þegar skyndilega kemur ekki kvisturinn labbandi niður tröppurnar.
Það væri svosem ekki í frásögur færandi nema fyrir þá staðreynd að kvisturinn er kennarinn sem ég átti að skila ritgerðinni til...

Í panikkasti stoppa ég hringsparkið mitt í miðjum hring og hleyp undir stigann og plastra mig uppvið hliðina á skápnum sem er þar (í þeirri von að ég sjáist ekki).

Þetta hefði alveg virkað og ekki verið neitt sérstaklega vandræðalegt ef [ritskoðað] hann Rökkvi hefði ekki sagt, alveg ótrúlega prakkaralegur og sekur á svipinn
"Hva! Ertu að leita að fólki sem hefur ekki skilað ritgerðum??"
Svo lýtur hann svona beint á felustaðinn minn!!!

Kvisturinn náttúrulega snýr sér við og sér mig eins og algjöran asna við hliðina á skápnum (þar sem það er ekki fræðilegur möguleiki á að ég hafi nokkurntíma haft hið minnsta erindi, nema hugsanlega til að fela mig).

*blót*